Sunday, April 20, 2014

මෙවර අවුරුද්ද සුභද?

මේ පාර අවුරුද්ද ලබනකොටම පුදපු ගමන් කාපි යකා කියලා මම ලිපියක් දාලා කට්ටියගෙ සතුට නැති කරන එක හරි නැති නිසා ඔන්න ඔහේ සතියක් විතර ගෙවෙන්න ඇරියා. කියන්න හොඳ දෙයක් තිබ්බනම් අවුරුද්ද පටන් ගන්නකොටම දාන්න කියලා හිතාගෙන අවුරුද්ද ලබන විදිහ බලපුවම කියන්න තරම් හොඳක් නොතිබ්බ නිසයි කට වහන් හිටියේ.

කට්ටියටම ඉස්සෙල්ලම ආපු ලොකුම ප්‍රෂ්නේ අලුත් අවුරුද්ද පෝය දවසක වැටුන එක. සාමාන්‍යයෙන් අපි නැකැතක් හදනකොට වුනත් පෝය මගාරින්නේ පෝය ලෞකික වැඩ වලට වඩා ලොකෝත්තර වැඩ වලට සුභ නිසයි. අනික් සිද්ධිය නම් ගොඩ දෙනෙක්ගේ අවධානයට ලක් වුනේ නැති එකක් ඒක තමයි රාහු කාලය. අවුරුදු දවසේ රාහු කාලය යෙදී තිබුනේ උදේ 07.33ට අවුරුද්ද උදා වුනේ 07.37ට. ඒ කියන්නේ අවුරුද්ද ලැබුවේ රාහු කාලයේදී. මේකත් එක්කම චන්ද්‍රග්‍රහනයකුත් සිද්ධ වුනත් ඒකනම් බරපතල සිද්ධියක් නෙමෙයි. ඉතින් මේ සියල්ලම අශුභ සිද්ධි.

මේ අසුභ සිද්ධි ඔක්කොම අතරේ 1983 වගේම රවි හා සෙනසුරු උච්චව මූනට මූන බලන් ඉන්න වෙලාවෙයි මේ අවුරුද්ද ආරම්භ වෙන්නේ. ඔයාල හැමෝම දන්නවා ඇති 1983 සින්හල අලුත් අවුරුද්දෙන් මාස කීපයකට පස්සේ අපේ රටේ ඇතිවුන තත්වය. ඉතින් ඊට සමාන තත්වයක් රටතුල උද්ගත වෙයි කියලා බලාපොරොත්තු වෙන්න පුලුවන්.

මෙන්න මෙහෙමයි අවුරුදු දා කේන්දරය


ඉතින් මේ කේන්ද්‍රයට අනුව තව දෙයක් කියන්න පුලුවන් ඒ තමයි දැනට 6 වැන්නේ වක්‍ර වෙලා ඉන්න කුජ තව ටික දවසකින් හත්වැන්නට එනවා ඒ කියන්නේ අපේ රටේ කෙන්ද්‍රයේ 9 වැන්න. ලෝකායතන ජ්‍යෝතිෂයේ 09 වැන්න කියන්නේ පන්සල් හා අනෙකුත් ආගමික ස්ථාන ගැන කියවෙන තැන. කුජ කියන්නේ යුද්ධයට අධිපති. ඉතින් බොහෝදුරට බොබසේ හා මුස්ලිම් අන්තවාදී ගැටුම දුරදිග යන්නත් ජාතිවාදි අරගලයක් ගොඩ නැගෙන්නත් මේ ආසන්න කාලෙකදි ඉඩ තියනවා.

ඊට අමතර රවි කියන්නේ රජුන් ගැන කියවෙන ග්‍රහයා සෙනසුරු කියන්නේ කම්කරුවන් හා දුක් විඳින ජනයා. මේ දෙන්න උච්චව මූනට මූන බලන් ආරම්භ වුන මේ වසර රජුට නම් හොඳ මදි කියලයි කියන්න තියන්නේ. මිනිස්සු රජු හා ගැටුම් ඇති කර ගන්නවා. පහුගිය 2013ට වඩා මේ වසරේ හොඳක් වෙයි කියලා බලාපොරොත්තු වෙන්න බෑ

මීට අමතරව ජනවාරි මාසේ 10 වෙනිදා මම ප්‍රසිද්ධ කරපු පලා පල ටිකත් මෙතන දාන්නේ ඔයාලට ඒ ගැනත් ආයෙත් මතක් කරන්න. 




සමහර ඒවා දැනටත් සිද්ධ වෙලා.. අනෙක් ඒවත් බොහොම ලඟදී සිද්ධ වෙයි..




වෛදික ජ්‍යෝතිෂවේදී
ධනුෂ්ක අබේරත්න

Thursday, April 3, 2014

෴දේවතා ස්වප්න෴



අපේ පැරැන්නෝ අපි දකින සිහින වර්ග 4කට වෙන් කරලා දක්වලා තියනවා. ඒ තමයි
01ධාතු කේෂාභය 02.අනුභූතපූර්‍ව 03.පූර්‍ව නිමිත්ත 04.දේවතෝපසංහාර

ධාතු කේෂාභය
වා පිත් සෙම් තුන්දොසින් එකක් හෝ වැඩි ගනනක් කිපීමෙන් පෙනෙන සිහින

අනුභූතපූර්‍ව
කලින් සිතූ සිතිවිල්ලක් නිසා පෙනෙන සිහින

පූර්‍ව නිමිත්ත
යම් කෙනෙකුට අනාගතයේදී සිදුවන්නට තිබෙන දෙයක් පිලිබඳව පෙනෙන සිහින (බිම්බිසාර රජු දුටු සිහිනය මෙම ගනයට වැටේ.)

දේවතෝපසංහාර
ඉෂ්ට දේවතාවකු විසින් හිතවැඩ පිනිසත් දුෂ්ට දේවතාවකු විසින් අහිත වැඩ පිනිසත් පෙන්වන සිහිනය. (හිතේ තිබුන විසඳාගත නොහැකි ගැටලුවකට එකවර සිහිනෙන් විසඳුම් ලැබුන අත්දැකීම සමහර විට ඔබටත් ඇති. බෙන්සීන් හී ව්‍යූහය ගැන දුටු සිහිනයද මේ ගනයට වැටේනවා.)

වැඩ අවැඩ දෙකට ඉබේ පෙනන දේවතා ස්වප්න හැර මන්ත්‍ර බලයෙන් එසේ වැඩ අවැඩ බලාගත හැකි දේවතා ස්වප්න විශේෂයක් අපේ පැරැන්නන් භාවිතා කලා. මේ ආකාරයෙන් ඔවුන් තමන්ට තනිව විසඳුම් සොයාගත නොහැකි වූ ගැටලුවලට දෙවියන්ගේ උදව්වෙන් පිලිතුරු සොයා ගත්තා. මෙ ආකාරයේ දේවතා ස්වප්න බලන ක්‍රම බොහෝමයක් ඇතත් ඉතා පහසු හා වඩා සාර්ථක ක්‍රමයක් මෙහිදී කියා දීමට බලාපොරොත්තු වෙනවා.



අවශ්‍ය දෑ
මල් වර්ග 5ක්(බෙලි මල් ඇතුලුව.)
බුලත් 5ක්
කිරීබත්
කෙසෙල් ගෙඩි
පහනක්
කපුරු හඳුන්කූරු
කට්ටකුමන්ජල් හා දුම්මල

ක්‍රමය.
හොඳින් නා පිරිසිඳුවී, දත කට මැද, මල් බුලත් තට්ටුවක් සකස් කර ඉහත පුජා ද්‍රව්‍ය පුදා පහන පත්තු කර කපුරු හා හඳුන් කූරුද පුදා කට්ටකුමන්ජල් හා දුම්මල කොටා සකස් කරගෙන දුම් අල්ලමින් පහත මන්ත්‍රය 1000 වරක් මතුරා අවසානයේදී "භගවති අම්මේ" යනුවෙන් මන්ත්‍ර දේවතාවියට ආමන්ත්‍රනය කර අවශ්‍ය පැනය අසා මල් බුලත් තට්ටුව ඇති පැත්තට හිස දමා නිදාගන්න.. දැනගන්නට අවශ්‍ය දේ සිහිනයෙන් කියයි.

මන්ත්‍රය
ඕං ප්‍රියාය - නාරි ප්‍රියාය - සුන්දරී ප්‍රියාය - භගවතී - මුනි මුනි - නරේස්වඃ෴



වෛදික ජ්‍යෝතිෂවේදී
ධනුෂ්ක අබේරත්න