ග්‍රහලොව සෙන්පතියා ලෙස හැඳින් වෙන කුජ ග්‍රහයා
ශරීරයේ ලේ ධාතුවට අධිපතිකම් කරන ග්‍රහයායි. මේ ග්‍රහයාගේ අපල කාලවල හදිස්සි
අනතුරු, සැත්කම් වලට භාජනයවීම්, විශාල තුවාල හා උෂ්ණ රෝග ඇතිවීමත් හඳහනේ පිහිටීමට
අනුව විවාහය තුල ගැටළු ඇතිකිරීමටත් වැඩි ඉඩක් තිබෙන බව පෙනෙන්නට තිබේ. කුජ ග්‍රහයාගේ
අපල කාල වල පහත ප්‍රතිකර්ම කිරීමෙන් එම අපල තත්වයන් අවම කරගැනීමට හැකියාව ඇත.
කතරගම දෙවියන්
- කතරගම දෙවියන්ට බාරයක් වීම.
- ප්‍රමාණය හා හැඩය නිසි ලෙස සැකසු රතු පැහැ කොරල් මැණිකක් පැළඳීම. (මෙය ඉතා පළපුරුදු ජ්‍යෝතිර්වේදියෙක් වෙතින් විමසා සිදු කිරීම අනිවාර්යයි)
- කොලොන් වෘක්ෂයක් පාමුල පහත මන්ත්‍රය කියමින් භාවනා කිරීම.
“ඕම ආං අංගාරකායේ නමඃ”
කුජ / මංගල්
- ලේ දන්දීම.
- රතු රෙදි දන්දීම.
- අභිසම්මිදානේ යන්ත්‍රයක් පැළඳීම.
- දිනපතා අභිසම්මිදානේ පිරිත සජ්ජායනා කිරීම.
ඉහත දක්වා ඇත්තේ ප්‍රධාන වශයෙන් පොදුවේ කල හැකි
ප්‍රතිකර්මයන්ය. මිට අමතර වෙනත් ශාන්තිකර්ම බොහෝමයක් ඇතත් එම ශාන්තිකර්ම අපලයේ
ස්වාභාවය සලකා බලා ජ්‍යෝතිර්වේදීන් විසින් නියම කල යුතු ඒවාය.
ජ්‍යෝතිෂ හා ගුප්තවිද්‍යා පර්යේෂක
වේදීය ජ්‍යොතිෂවේදී
ධනුෂ්ක අබේරත්න
ජ්‍යෝතිෂ් භාෂ්කර් (ඉන්දියා)
0755004166
