යුරෝපය ඇතුළු අනෙක් අපරදිග රටවල බහුලව ජ්‍යෝතිෂයේ අයනය සලකා ගණනය කිරීම් කරන ක්‍රමය (සායන) භාවිතා වන අතර මෙම ක්‍රමයේ ග්‍රහ දෘෂ්ටි සම්භන්ධව භාවිතාවන ක්‍රමවේදයද නිරයන ක්‍රමය භාවිතා කරන අපරට හා ඉන්දියාවේ භාවිතා වන ක්‍රමයට වඩා වෙනස්ය. මෙහිදී නිරයන ක්‍රමයේදී ග්‍රහයාගේ තෘෂ්ණාව මත (මුලික සිද්ධාන්ත නොදන්නා කෙනෙක් හට ග්‍රහයන්ගේ තෘෂ්ණාව පිලිබඳ ගැටළුවක් ඇතිවිය හැකි අතර ඉදිරි ලිපයකින් ඒ පිළිබඳව විස්තර කිරීමට බලාපොරොත්තු වෙමි) දෘෂ්ටි ලබා දෙන භාව පිළිබඳව සාකච්චා කලද අපරදිග ක්‍රමයේදී ග්‍රහයා සිටින අංශක ගණන මත ග්‍රහ දෘෂ්ටි සම්භන්ධව පරික්ෂා කෙරේ.
මෙහිදී ග්‍රහයෙක් තමන් සිටින තැන සිට (දෙපැත්තටම) අංශක 30, 60, 90 ආදී ලෙසින් විවිද අංශක ගණන් ඈතින් සිටින ග්‍රහයන්ට දෘෂ්ටි ලබාදෙන අතර ඒ අංශක ගණන අනුව දෘෂ්ටියේ සුභ අසුභ තාව තීරණය වේ. එම අංශක ගණන් පහත පරිදි වේ
අංශක 120 (ත්‍රිකෝණ දෘෂ්ටිය) - ඉතා සුභයි.
අංශක 60 (ෂට් කෝණ දෘෂ්ටිය) - සුභයි
අංශක 30 (අර්ධ ෂට් කෝණ දෘෂ්ටිය) - හීන සුභයි
අංශක 180 (සප්තම දෘෂ්ටිය) - ඉතා අසුභයි
අංශක 60 (චතුරස්‍ර දෘෂ්ටිය) - අසුභයි
අංශක 45 (අර්ධ චතුරස්‍ර දෘෂ්ටිය) - හින අසුභයි
අංශක 135 (සැස්ක්වි කොඩ්රේට් දෘෂ්ටිය) - හින අසුභයි
අංශක 150 (ක්වින්කන්ක්ස් දෘෂ්ටිය) - හින අසුභයි
යම් ග්‍රහයෙක් හරියටම අදාළ අංශකය තුල තැම්පත් නොවුනත් ඒ ඒ දෘෂ්ටියට අදාළ බල මණ්ඩලය තුල තැම්පත් වී නම් එම දෘෂ්ටියට හසු වුවා සේ සලකයි.
එම බල මණ්ඩල වලට අදාළ අංශක ගණන් පහත පරිදි වේ.
ත්‍රිකෝණ දෘෂ්ටිය - 8
ෂට් කෝණ දෘෂ්ටිය - 7
අර්ධ ෂට් කෝණ දෘෂ්ටිය - 2
සප්තම දෘෂ්ටිය - 8
චතුරස්‍ර දෘෂ්ටිය - 8
අර්ධ චතුරස්‍ර දෘෂ්ටිය - 4
සැස්ක්වි කොඩ්රේට් දෘෂ්ටිය - 4
ක්වින්කන්ක්ස් දෘෂ්ටිය - 2
මෙහිදී විශේෂයෙන් සඳහන් කල යුතු දෙයකි. නිරයන ජ්‍යෝතිෂයේ භාවිතාවන සිද්ධාන්ත සායන ක්‍රමයේදීත් සායන ක්‍රමයේ සිද්ධාන්ත නිරයන ක්‍රමයේදීත් විටක පරස්පර විරෝධී විය හැක. මේ නිසා ඔබ භාවිතා කරන්නේ නිරයන ක්‍රමය නම් සායන සිද්ධාන්ත භාවිතා කිරීමේදී ගුරුවරයෙක්ගෙන් අසා භාවිතා කිරීමට සිහි තබාගන්න.
වේදීය ජ්‍යෝතිශවේදී
ධනුෂ්ක අබේරත්න
ජ්‍යෝතිෂ් භාෂ්කර් (ඉන්දියා)
0755004166
No comments:
Post a Comment