Friday, June 27, 2014

෴නීල මණ්ඩල යන්ත්‍ර෴

ශනි ග්‍රහයා අසුභ පල දෙන ග්‍රහයන් අතර ඉස්සරහින්ම ඉන්න ග්‍රහයා කියා මා කිව්වොත් කවුරුත් ඊට විරෝධය පාන එකක් නෑ. ඒ නිසාම ජ්‍යොතිෂ ගැන යම් දැනුමක් තියන ඕනම කෙනෙක් ශනිග්‍රහයා ගැන විශේෂ සැලකිල්ලක් හා ඔහුට තරමක අකමැත්තක් දක්වනවා. සමහරු ශනි ග්‍රහයා ගැන අනවශ්‍ය බියක් ඇති කරගන්න අතර සමහර ඇත්තන් ඒ බියෙන් ප්‍රයෝජන ගන්නවාත් මා පුද්ගලිකවම දැක තිබෙනවා. 

කොහොම නමුත් ශනි ග්‍රහයාගේ අපල වල තියන කරදරකාරි ගතිය හා සිදුවන හානිය නිසාම ශනි අපල සඳහා ඉතා විශාල යන්ත්‍ර සංක්‍යාවක් නිර්මානය වෙලා තිබෙනවා. මේ අතරින් ශනි මෘතුන්ජය හා නීල මණ්ඩල කියන යන්ත්‍ර කාන්ඩ දෙක විශේෂයි. බොහෝ දෙනා සිතා සිටින්නේ මේ නමින් ඇත්තේ හුදෙක් යන්ත්‍ර දෙකක් පමනක් බවයි. නමුත් මේ නම් වලින් යන්ත්‍ර කාන්ඩ දෙකක්ම ඇති අතර. මේ අතරින් නීල මණ්ඩල කාන්ඩය ගැන අපි අවධානය යොමු කරමු.

01.



නීල මණ්ඩලය නමින් බොහෝ දෙනා දන්නේ මේ යන්ත්‍රයයි.  මේ යන්ත්‍රය සෙනසුරුගේ ඒරාෂ්ඨක වලින් මෙන්ම සෙනසුරුගේ බලපෑම නිසා එන යක්ෂ දෝෂ වැනි බාහිර දෝෂ වලින්ද ආරක්ෂාව ලබා දෙයි. නමුත් අන් ග්‍රහයන් කෙරෙහි බලපෑමක් නැත.

02.

ත්‍රී අක්ෂර නීල මන්ඩලය නමින් හැඳින්වෙන මෙම යන්ත්‍රයේ බලපෑම හුදෙක් ශනිග්‍රහයාට හා ඒ මගින් ඇතිවෙන සාමාන්‍ය ග්‍රහ අපල වලටය. 


03.

මහා නීල මණ්ඩලය නමින් හැඳින්වෙන මෙම යන්ත්‍රය ඉතා බලගතු එකකි. සෙනසුරු ග්‍රහයාගේ අරිටු දෝෂ භංග කරන අතරම. අනෙක් ග්‍රහයන්ගෙන් ඇතිවන සාමාන්‍ය අපල තත්වයන් සමනය කරයි. 


04.

විෂ්නු නීල මණ්ඩලය නමින් හඳුන්වන මෙය ගුරු මුෂ්ඨි නිසා අභාවයට ගිය එකකි. අනෙක් යන්ත්‍ර ලන්කාවේ භාවිතාවනු දක්නට ලැබුනත් විෂ්නු නීල මණ්ඩලය දක්නට නොලැබෙන තරම්ය. ඉතාමත් බලගතු යන්තරයක් වන මෙය සියලුම දරුනු ශනි අපලවලට භාවිතා කල හැක. නමුත් සුලු සුලු අපල වලට බැඳිම සුදුසු නැත.


මේ සියලූම යන්තර 23000 වාරයක් ජප කල යුතු අතර අවමය 2300කි. (ශනිට අදාල ජප සංක්‍යාව 23000කි) මෙහිදී විශේෂයෙන් කිව යුතු දෙයක් ඇත, එනම් මේ යන්තර වලින් කෙරෙන කාර්යය එකින් එකට වෙනස් වන අතර ආවාට ගියාට යන්තර දැමීම සුදුසු නැති බවයි. විශාල අපල ඇති තැනකට සුලු බලයක් ඇති යන්තර දැමීමත් සුලු අපලයක් ඇති තැනකට විශාල බලයක් ඇති යන්තර දැමීමත් නිසා යන්තරයේ නිසි පල ලබාගැනීමට නොහැකි වී සියල්ල උඩුයටිකුරු වී ඇදුරාගේ ශ්‍රමයත් ආතුරයාගේ මුදලුත් නිකරුනේ නාස්තිවී ගිය අවස්ථා සමාජයේ බොහෝය, තමා පලඳින යන්තරය ගැන දැනුවත් වීමට යන්තරය පලඳින්නට අයිතියක් ඇති අතර ඒ පිලිබඳව දැනුවත් කිරිම ඇදුරාගේද යුතුකමකි.


වෛදික ජ්‍යොතිෂවේදී
෴ධනුෂ්ක අබේරත්න෴

No comments:

Post a Comment