මීට පෙර වතාවක මා පලකල ලිපියක ආයුර්වේදය හා ජ්‍යොතිෂ යනු නිවුන් සොහොයුරන් දෙදෙනෙකු බව පැවැසුවා ඔබට මතකයැයි සිතමි. ආයුර්වේදයේදී නම් නිතරම වාගේ ප්‍රථිකාර ආරම්භයට, විස කලාව සෙවීමට හා බෙහෙත් ඇඟට අල්ලන්නේ නැති විට ඒ සඳහා පිලියම් කිරීමට ජ්‍යොතිෂය භාවිතා වන බව බොහෝදෙනා දන්නා කාරනයකි. ජ්‍යොතිෂ ගැන දැනුමක් නැති වෙදාට වෙදා කීමට වඩා ගොනායැයි කීම උචිත බව වකුගඩු සම්භන්ධ විශේෂඥ්‍ය ආයුර්වේද වෛද්‍ය හෙන්දිරික්ද සිල්වා හෙට්ටිහොඩ (සිද්ධාලේප ආයතනයේ වත්මන් හිමිකරුගේ පියා) මැතිතුමා වරක් ප්‍රකාෂ කලේ ඒ නිසාය.. එය එසේ නමුත් ජ්‍යොතිෂයේදී අපල දුරු කිරීමට ආයුර්වේදය භාවිතා වන බව දන්නේ සුලු පිරිසකි. අද මා කියා දෙන්නට යන්නේ ඒ පිලිබඳවය.
නොයෙකුත් ග්‍රහයන්ගේ අපල කාල වලදී පරිසරයේ ඇති එම කිරන වලින් ආරක්ෂා වීමට හැකි ඔසු විශේෂ පැරනි සෘෂි වරුන් ඔවුන්ගේ සෘෂි නුවනින් දැක අවබෝධ කර ගත්හ. කළුවර අඳුන සෑදීමේදීද ඔවුන් භාවිතා කලේ මේ මූල ධර්මයමය. එනම් යම් ඔසු වර්ග කීපයක් සංයෝග කර ශරීරයේ තවරා හැනීමෙන් ආලෝකය වර්ථනය කර හැරීමයි. මෙහිදීද සිද්ධාන්ථය මෙයමය, අදාල කිරන ශරීරය සමග නොගැටිම සඳහා ආරක්ෂක ස්ථරයක් සකස් කිරීම මෙහිදී සිදුවේ.
මෙහිදී සිදුවන්නේ ඒ ඒ ග්‍රහයාගේ කිරන වලට අදාල ප්‍රථිචාර දක්වන ඔසු තම්බා ස්නානයයි. එහිදී මේ ඔසු ශරීරයේ තැම්පත් වී ආරක්ෂක ස්ථරයක් ලෙස ක්‍රියාත්මක වේ. මේ ඔසු මොනවා දැයි දැනගැනීම වැදගත් වේ යැයි සිතමි.
රවිගේ අපල වලට
මනෝසීල, එනසාල්, දේවදාර, කුංකුමප්පු, සපුමල්, සැවැන්දරා වැල්මී, නෙලුම් රේනු, මයිල මල් තැම්බූ වතුර ස්නානය
සඳුගේ අපලවලට
කිරි, දීකිරි, ගිතෙල්,ඇත්දත් සක්බෙල්ලන්,පිළීඟු,කුමුදු තැම්බූ වතුර ස්නානය. (මෙයට ගෝමුත්‍ර සවල්පයක්ද එක් කරගන්නා ලෙස පවසා ඇතත් එසෙකිරීමට සියාල්ලන් පාහේ අකමැති බැවින් එය නැතිව වුවද කම් නැත. නමුත් බොහෝ ආයුර්වේද බෙහෙත් වල කුකුල් බෙටි එලුමුත්‍ර ගෝමුත්‍ර පමනක් නොව නර මුත්‍ර පවා බෙහෙතට ගත් බව මතක් කරනු කැමැත්තෙමි. )
කුජගේ අපලයට
බෙලි, සුදුහඳුන්, බැවිල, කනේරුමල්, පෙරුංකායං, රුක්මල්,මූන මල්, ජටාමංස තැම්බූ වතුර ස්නානය
බුධගේ අපලයට
යව ඇට, ගොරෝචන, මීපැණි ස්වල්පයක්, ගල්පෙඳ, රන්, තැම්බූ වතුර ස්නානය.
ගුරුගේ අපලයට
සමන්පිච්ච මල්, සුදු අබ, ඉද්ද කොල, වැල්මී තැම්බූ වතුර ස්නානය.
සිකුරුගේ අපල වලට
එනසාල්, මනෝසීල,ගෙඩි මල් සහිත කුංකුම තැම්බූ වතුර ස්නානය.
ශනිගේ අපලයට
කලුතල, අංජන කැට, ලොත් සුඹුලු, බැවිල, වීපොරි, සතකුප්ප තැම්බූ වතුර ස්නානය.
රාහුගේ අපල වලට
ඊතන, තල, කොලොං කොල, කලාඳුරු අල, ඇත් දත්, කස්තුරි, එලකිරි, තැම්බූ වතුර ස්නානය.
කේතුගේ අපලයට
ඊතන, තල, කොලොං කොල, කලාඳුරු අල, කස්තුරි, එළු කිරි, ගෝ මුත්‍ර තැම්බූ වතුර ස්නානය.(මෙහිදීද ගෝ මුත්‍ර එක් කිරීමට අපුලක් දැනේ නම් එක් නොකලාට වරදක් නැත.)
තවත් මෙවැනි ලිපියක් සමග හමුවෙමු.
වෛදික
ජ්‍යොතිෂවේදී
ධනුෂ්ක
අබේරත්න
පහු ගිය දවස් වල බ්ලොග් එකට ලැබුන හොඳ ප්‍රථිචාර නිසාත්, ඒ වගේම විෂය ඉගෙනගන්න උනන්දුවක් දක්වන පිරිසේ වැඩි වීමක් දැක්ක නිසාත් ජ්‍යොතිෂයේ අලුත්පැත්තක් ගැන කියලා දෙන්න හිතුවා.(අලුත් කියලා කිව්වේ මේ පිලිඹඳව මම මීට පෙර කිසිම ලිපියක් පල කලේ නැති නිසා නැතුව මේක බොහෝ පැරනි හා සාර්ථක ක්‍රමයක්)
මේ ක්‍රමය හඳුන්වා දෙන්නේ ජෛමිනි කියන සෘශි වරයා මෙතෙක් කල් මා ලිපි පල කලේ පරාෂර හා වරහාමිහිර ආචාරින්ගේ ඉගැන්වීම් උපයෝගී කරගෙනයි. ඉතින් මේක පාඩම් මාලාවක් ලෙස අනෙක් ලිපි අතරේම විටින් විට දාන්න බලාපොරොත්තු වෙනවා..
මේ ක්‍රමය ඉගෙන ගැනීමේදී මුලින්ම ඔබට රාශි 12 හා ඒවා චර රාශිද ස්තීර රාශිද නැතිනම් උභය (ද්වීගුන.) රාශිද යන වග හඳුනා ගත යුතු වෙනවා.
චර රාශී
මේෂ, කටක තුලා හා මකර යන රාශි තමයි චර රාශි වෙන්නේ. රාශි 12න් වඩා බලවත් රාශි ලෙසත් ඇතමෙක් මේ රාශි හඳුන්වනවා. වෙනස් වෙන ගතිය, ඉදිරියට යන ගතිය, අලුත් දේ කරන සිතන ගතිය මේ රාශි වල දකින්නට ලැබෙනවා.
තිර රාශි
වෘෂභ, සිංහ, වෘෂ්චික හා කුම්භ කියන රාශි මේ කොටසට අයත්. යමක් අල්ලා ගත් විට එහිම එල්ලි සිටින ගතිය, අදහස් වෙනස් නොකරන ගතිය ආදී දේ මෙහි ප්‍රධාන ලක්ෂන වෙනවා
උභය රාශි
ඉතිරි රාශි ටික වෙන මිථුන, කන්‍යා, ධනු, මීන යන රාශි උභය රාශි හෙවත් මේ හුන දෙකම තිබෙන රාශි ලෙස සලකනවා.
පරාෂර ක්‍රමයට අපි ග්‍රහ දෘෂ්ඨි සැලකුවත් ජෛමිනි ක්‍රමයේදී සලකන්නේ රාශි දෘෂ්ඨියි. ග්‍රහ දෘෂ්ඨි ගැන මම කලින් ලිපියක් පල කලා ඔබට මතක ඇති. මතක නැත්තන් හරි මගෑරුනානම් හරි මෙතනින් ගිහින් බලන්න.
දැන් අපි බලමු ජෛමිනි ක්‍රමයේ රාශි දෘශ්ඨි ගැන.
මෙය ඉතා සරලයි.
01.චර රාශි විසින් තිර රාශි දකින අතර තමාගේ එහාපැත්තේ නැත්තන් අල්ලපු තිර රාශිය නොදකී.
අපි උදා හරනයක් ගමු
මේශ රාශිය චර රාශියක්. වෘෂභය තමයි එයට අල්ලපු තිර රාශිය එතකොට මෙ හඳහන් සටහනේ ඉන්න රවිට ජෛමිනි ක්‍රමයට අනුව පෙනෙන්නේ සිංහ වෘෂ්චික හා කුම්භ යන රාශි.
එතකොට පරාශර ක්‍රමයට අනුව රවිට තමන් ඉන්න තැන ඉඳලා 03, 07, 10 කියන රාශි පේනවා
මේ ක්‍රම දෙකම එකතු කරාම
ඔයාලට පේනවා ඇති තැන් 6කට රවිගේ දෘශ්ඨිය වැටෙනවා මේ නිසා ඔයාලා බලන හඳහන ගැන ගන්න තීරනය නිරවද්‍ය තාවයෙන් වැඩි වෙන්න හේතුවක් වෙනවා.
02. තිර රාෂි විසින් තමාට අල්ලපු වැටේ තියන චර රාශිය ඇරෙන්න අනික් චර රාශි දකිනවා
උදාහරනයක් බලමු.
මේකේ කුම්භ රාශියට අල්ලපු වැටේ ඉන්න මකර රාශිය ඇර අනෙක් චර රාශි (මේෂ, කටක, තුලා) පේනවා.
03. උභය රාශි වලට පේන්නේ උභය රාශිමයි.
උදාහරනයේ මිථුන රාශියට පෙනෙන්නේ කන්‍යා ධනු හා මීන කියන රාශි.
ඔන්න පලවෙනි කොටස ඉවරයි. ඔයාලට පුලුවන් තමන්ගේ පවුලේ අයගේ හඳහන් අරන් ජෛමිනි ක්‍රමයට හා පරාශර ක්‍රමයට ග්‍රහ දෘෂ්ඨි වැටෙන විදිහ අධ්‍යයනය කරන්න. ඊලඟ ට කාරක ග්‍රහයන් ගැන ලිපියකින් ඉක්මනින් හමුවෙමු.
වෛදික ජ්‍යොතිෂවේදී
ධනුෂ්ක අබේ රත්න
සමාජය බොහෝ විට අපව දකින්නේ නැත දකින්නේ වෙන කෙනෙක්වය.. උදාහරනයක් ලෙස කෙනෙක් කොයි තරම් වටිනා ඇඳුම් ඇන්දත් වියදම් කලත් සමාජය ඔහුව කුම්මැහියෙක් ලෝභයෙක් ලෙස දකින්නට පුලුවන්ය. සමහර විට දරුනු මනුෂ්‍යයෙක්ව සෞම්‍ය ලෙස දකින්නට පුලුවන්ය. තවත් විටක යමෙක් අභ්‍යන්තරයෙන් බියසුල්ලෙක් වුවත් ඔහුට සමාජය වීරයෙක් ලෙස සලකන්නට පුලුවන්ය. මෙසේ සැබෑ තමාව වැසී ගෝස් සමාජය විසින් අලවන ලේබලයට හේතුව කුමක්ද? තමා දෙස මින්සුන් බලන්නේ කොයි ආකාරයෙන්ද? මෙයට හේතුව ලෙස ජ්‍යොතිෂයේ දක්වන්නේ ආරූඪ ලග්නයයි. සමහර විටක තමන් හොඳ කෙනෙක් යැයි සිතා සිටින කෙනෙකුගේ ජන්ම පත්‍රය පරික්ෂා කරන්නට ගිය වෙලේ මොහු කුහකයෙක් යැයි කී විට නෑ එසේ වන්නට බෑ කියා ඔබ සිතන්නේ ජ්‍යෝතිර් වේදියා පලාපලය කීවේ උපන් ලග්නය බලා නිසාත් එයින් පෙනෙන්නේ පුද්ගලයාගේ සබෑ ගතිගුන නිසාත්ය.. සමාජය ඔබ දෙස බලන්නේ කෙසේද. ඔබෙන් බලාපොරොත්තු වන්නේ මොනවාද යන්න දැනගැනීමට නම් ආරූඪ ලග්නය පරික්ෂා කල යුතුය..
ආරූඪ ලග්නය පරික්ෂා කිරීම අපහසු දෙයක් නොවේ. ආරූඪ ලග්නය සොයාගත් පසු සාමාන්‍ය හඳහනක් බලන ලෙසම එම ආරුඪ ලග්නය ලග්නය ලෙස ගෙන පරික්ෂා කල යුතුය. ඉතින් මේ ආරූඪ ලග්නය සොයා ගැනීම ඊලඟට කල යුතුය..
ඒ මෙසේය
යම් හඳහනක ලග්නාධි පතියා සිටින තැන බලා ලග්නයේ සිට ඒ දක්වා ඇති රාශි ගැනගත යුතුය. ඉන් පසුව ලග්නාධිපතියා සිටින රාශියේ සිට එම ගනනම ඉදිරියට ගනන් කිරීමෙන් එම ජන්ම පත්‍රයේ ආරුඪ ලග්නය ලැබේ
උදා හරනයක් දක්වතොත් මෙසේය...
ඉහත දක්වා ඇති දල කේන්ද්‍රයේ ලග්නය වෘෂ්චිකයයි.
වෘෂ්චිකයේ ලග්නාධි පතියා කුජය.
මෙහි කුජ සිටින්නේ ලග්නයෙන් දෙවැන්නේය.
එසෙනම් කුජග සිටින රාශියෙන් දෙවැන්න ආරූඪ ලග්නයයි.
එනම් මෙම ජන්මියාගේ ආරූඪ ලග්නය මකරයයි.
තවත් උදාහරනයක් මෙසේය.
මෙහි ලග්නය වෘෂභයයි. ලග්නාධි පතියා සිකුරාය.
සිකුරු සිටින්නේ ලග්නයෙන් දොලොස් වැන්නේ මේෂයේය.
එවිට සිකුරු සිටින තැනින් දොලොස් වැන්න ආරූඪ ලග්නය විය යුතුය. ඒනම් මෙහි ආරූඪ ලග්නය සිකුරු සිටින මේෂයේ සිට බැලූ කල 12 වැන්න වන මීනයයි.
නමුත් කිසිම අවස්ථාවක තමාගේ ලග්නය හෝ 7 වැන්න ආරුඪ ලග්නය වන්නේ නැත. කිසියම් ග්‍රහයෙක් එම භාවයේම සිටින විට ආරූඪ ලග්නය ලෙස ලැබෙන රාශියේ සිට කොටු 10ක් ඉදිරියට ගනන් කිරීමෙන් ආරූඪ ලග්නය සොයාගත හැක. එනම් ලග්නාධිපතියා ලග්නයේ හෝ හතේ නම් දස වැන්නද, හතර වැන්නේ හෝ දස වැන්නේ නම් හතර වැන්නද ආරූඪ ලග්නය වෙයි.
මේ ආකාරයෙන් සොයාගත් ආරුඩ ලග්නය මත පදනම්ව සමාජය අප දෙස බලන්නේ කෙසේදැයි දැනගත හැක..
වෛදික ජ්‍යොතිෂවේදී
ධනුෂ්ක අබේ රත්න
